乂 乂 نـادي مملكة المرأة للرشاقـة &#

بسم الله الرحمن الرحيم

تشوفون تجارب البنات وتشوفون ردودهم وتتحمسون
بنات نقصو وبنات زادت اوزانهم وبالاخير
يكون هدفهم واحد انهم يبون يصيرون رشيقات

* عشان ننظم أنفسنا لكل أسبوع أو أسبوعين
بنختار رئيسه تتابع معكم الريجيم وحيكون لها هدف وانتم مطلوب منكم تنفيذه
وإلا ترى عادي بنعطيها الصلاحيات لجلدكم عشان تمشون ع الخطة ياسَ ـكاكر

*يجب عليك الالتزام بالبرنامج كاملاً والا ترى بتطردك الرئيسة
من مجموعتها

*سجلي يومياتك معنا سواء قبل التطبيق في بداية يومك
او في نهاية يومك وبالتفصيل
وش اكلتي / وش شربتي ، وش تمارينك الي سويتيها .. مشيتي ؟ نمتي ؟ .. الخ

*في كل اسبوع سيتم اختيار رئيسة للمجموعة
نسبة لنشاطها / وتفاعلها

* طبعاً أنتم عارفين طريقة الردود بهالموضوع شتشته ممنوع
وهـ يازينك ويازين ريجيمك ممنوع / ياربي مانحفت ممنوع /... الخ
المطلوب منكم ردود تضيف للموضوع عندكم ريجيم حطوه
عندكم اقتراح حطوه عندكم تمرين حطوه
أي شيء ممكن يضيف للموضوع حلال عليكم المساحة ياقمرات

* ممنوع الرد من قِبل يوزر رجالي هنا بالموضوع

* نشكر ( ملح وسكر / ظبية الحمى / حلى / مجنونة بر )على مساعدتهم للبنات
بالنسخة الاولى للموضوع وكثر الله من امثالهم
وكلكم فيكم الخير والبركة
إلي حابّة تصير رئيسة تقولي..

:
*



*
:

{ ..شيء يحمسكم’, ويستفزكم ...
طبعاً يابنات فيه ناس لهم طقوسهم في الريجيم
فيه ناس يحطون صور لناس نحاف او عارضات ازياء عصلات
احنا مانبيكم عصلات نبيكم رويانات اصحى بالكم تقطعون حالكم
فانا بحط لكم صورة ديانا كود انها تحرّك فيكم شيء وتتحدونها







عشان تسهل عليكم المهمه في اخذ القياسات
وطبعاً مو كل يوم مدهرة وقايسه
فيه بنات يقيسون كل يوم طبعاً الميزان ارميه بعيد عنك
عشان مايهزك الشوق وكل شوي وانتي عليه
يعنني باقيس
مرة بالاسبوع وخلاص
وصدقوني هالشيء بيشجعكم ويحمسكم أكثر
وتقولين متى يجي الاسبوع الجاي اليوم الفلاني
عشان أقيس

ومن هنا تقدرون تشوفون اوزانكم واطولكم
مناسبه لاعماركم والا لا
وياليت تاخذون منها نسخة

:
*





هالمساحة خصصت لنقل يومياتكم مع الدايت
وين وصلتو ومتى قستو
وهل وزنك الان ثابت أو لا
هالمساحة فيها تحدي ومو أي تحدي
تحدي كبير مع الاكل الدسم والحلويات



الرياضه



طبعاً هذا أهم شيء في الريجيم كله
الرياضة ماقلنا لك الات وزحمة ياشيخة لو تمشين ساعة
وإلا نص ساعة كثر الله خيرك
الحين احس ماعاد عندنا ممشى واحد احسهم كثرو
امشي باي مكان يروق لك
واقضي وقتك كله باالاستغفار
والتسبيح ومنها تكسبين أجر من الخالق